Hartmann von Aue :: Knowledgebase Portal -Dictionary

einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

[ zurück ]

Iwein

2880 eine künegîn unde ein lant:
        sult ir nû dâ verderben bî,
        sô wæn ich daz noch rîcher sî
        âne huobe ein werder man.
        her Îwein, dâ gedenket an,
2885 und vart mit uns von hinnen,
        und gewinnet mit minnen
        der küneginne ein urloup abe
        zeinem tage der vuoge habe,
        und bevelhet ir liut unde lant.
2890 ein wîp die man hât erkant
        in alsô stætem muote,
        diun bedarf niht mêre huote
        niuwan ir selber êren.
        man sol die huote kêren
2895 an irriu wîp und an kint,
        diu sô einvaltec sint
        daz sî eins alten wîbes rât
        bringen mac ze missetât.
         Ir hât alsô gelebet unz her
2900 daz ichs an iu niht wandel ger,

[ zurück ]