Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

5116 diu dâ hie erledeget sint,
        und daz ir swester mit in var,
        und vüeret ouch daz getwerc dar,
        des herre dâ hie lît erslagen,
        und sult im des genâde sagen
5121 swes ich iu hie gedienet hân:
        wan daz hân ich durch in getân.
        vrâger iuch wiech sî genant,
        sô tuot im daz erkant
        daz ein lewe mit mir sî:
5126 dâ erkennet er mich bî.'
         Daz gelobet der herre,
        und bat in des vil verre,
        swenn er zuo dem brunnen gestrite,
        daz er dar wider rite:
5131 er schüef im guoten gemach.
        mîn her Îwein dô sprach
        'mîn rîten daz ist mislich.
        ich kume iu gerne, lânt sî mich
        mit ten ich dâ strîten sol:
5136 ich getrûwe abe in des wol,
[ zurück ]