Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

6884 her Gâwein, der sich helen bat,
        der hete sich selben sô verholn
        und hete sich vor enwec gestoln,
        und hôrten in des alle jehen,
        ern möhte den kampf niht gesehen
6889 von ander unmüezekheit.
        alsô heter sich entseit,
        und hete sich wider gestolen dar
        mit vremden wâfen alsô var
        daz in dâ niemen ân die maget
6894 erkande: der het erz gesaget.
         Nû saz dâ der künec Artûs
        unde von sînem hûs
        sîn massenîe gar,
        die gerne wolden nemen war
6899 wie dâ wurde gestriten.
        nû kam ouch dort zuo geriten
        diu juncvrouwe und her Îwein.
        der lewe envuor niht mit in zwein
        (den heter under wegen lân:
6904 ern wolt in niht zem kampfe hân),
[ zurück ]