Hartmann von Aue :: Knowledgebase Portal -Dictionary

einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

[ zurück ]

Klage

1538 daz wir wol zesamen komen
        und daz uns gelîcher ernest ist.
        nu ensûme ez ouch ze deheiner frist
        unde merke waz dû tuo.
        grîf vil stæticlîchen zuo,
1543 als der dâ beherten wil
        durch miete ûz unz an daz zil,
        und kum niht gâhes an sî,
        daz ir dîn gewerp bî
        unstæticlîchen wone.
1548 dâ erkennet sî dich vone
        in stæticlîchem muote;
        des vergiltet dir diu guote.
        Unrehtez gâhen sûmet dich.
        lîp, dâ bî erkenne ich
1553 die dâ niugerne sint.
        die platzent gâhes als ein wint
        mit rîterschefte an einen man;
        die selben wenkent ouch schiere dan.
        des jener niht entuot
1558 der stæte ist und wol gemuot.

[ zurück ]