einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Klage529 daz ich hende hæte,dîn leben wære unstæte, ich tæte dir vil schiere schîn daz ich unschuldic welle sîn des kumbers den ich von dir hân.534 der müese dir ze leide ergân. Dû sprichest dîn kumber sî mîn rât. dû weist wol wiez dar umbe stât, daz ich sô vil niht wizzen mac wenn ez sî naht oder tac.539 ich erkenne übel noch guot, ich bin weder frô noch ungemuot, wan als ez mich von dir wirt ane brâht. dû hâst dich der rede niht wol bedâht, daz dû mich dar umbe sprichest an544 des ich schulde nie gewan. Enblant ez dînen ougen, wan des ist unlougen du enhabest siu geschaffen dar zuo daz sî spâte unde fruo549 übel unde guot ersehen |