einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Klage776 als ich nû gesprochen hân,sô kan ich dir bescheiden wol wes ein man geniezen sol: tugende unde sinne, sô sint ez reine minne.781 Von diu swem ez sô geziuhet daz im daz heil vor fliuhet und er niuwan sînen gruoz mit tugenden verdienen muoz, als ez dir, lîp, ist gewant,786 dem muoz werden erkant wes er die liute dunket wert. erwirbet er iht des er gert, der mac im selben danc sagen und den muot dâ von wol hôhe tragen.791 Jâ wæne ie dehein man âne kumber liep gewan. wir haben des mêre vernomen von manigem, der doch volkomen was an ganzem sinne796 und ûf genâde der minne |