einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec6113 nâch tôdes gelüsten,als si sich wolde ervallen dran. nû kam geriten ein man der si es erwande, den got dar gesande. 6118 diz was ein edel herre, ein grâve: vil unverre sô stuont sîn wesen von dan. Oringles hiez der rîche man, von Lîmors geborn. 6123 den hâte got dar zuo erkorn daz er si solde bewarn. [er kam von sînem hûs gevarn,] ir ze heile reit er durch den walt: nâch wiu, des enist mir niht gezalt, 6128 wan daz ich betrahte in mînes herzen ahte, ez kam von ir sælikeit daz er des tages ie ûz gereit. er vuorte mit im ritter genuoc. 6133 von geschihte in truoc |