einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Gregorius2197 'und hete wir einen herren,so enmöhte uns niht gewerren.' Nû wurden si alsô drâte under in ze râte daz si die vrouwen bæten2202 und daz mit vlîze tæten daz si einen man næme der in ze herren gezæme: daz wære in allen enden guot. si westen wol daz si den muot2207 ir durch got hæte erkorn daz si hæte verborn und verbern wolde alle man. dâ missetæte si an: ir leben wære übele bewant,2212 ob si ein sô rîchez lant ir dankes âne erben sus wolde verderben. diz wæren ir ræte daz si noch baz tæte2217 wider die werlt und wider got |