einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein6027 über sehstehalbe wochensô ist ein kampf gesprochen zwischen in beiden: sô wil sî sî scheiden von ir erbeteile,6032 ezn stê dan an ir heile daz sî den kempfen bringe dar der sî gewaltes bewar. nû hât sî des bewîset diu werlt, diu iuch prîset,6037 daz si iuch ze trôste hât erkorn; unde enhât daz niht verborn durch hôchvart noch durch trâkheit daz sî niht selbe nâch iu reit: sî was ûf ten wec komen:6042 êhaftiu nôt hât irz benomen, wan sî leider ûf der vart von der reise siech wart, unde ist alsô under wegen zuo mînem vater belegen.6047 der sante mich her an ir stat: |