Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

7914 sît wir sô nâhen komen sîn,
        sô volget durch den willen mîn,
        daz ich die burc müeze sehen.
        daz sol benamen geschehen.
        diz hûs ist sô wünneclich
7919 und alsô schœne daz ich
        ûzen dar an kiuse wol,
        ist ez etewes innen vol
        daz man sol gerne schouwen,
        ez enist niht âne vrouwen.
7924 ich wil daz hûs erkunnen:
        des sult ir mir wol gunnen."
        "mirst leit daz ich ius gunnen sol.
        wê dan sô irz bevindet wol!"
        "waz meinet ir, künec Guivreiz?"
7929 "ich enmeine niht wan daz ich weiz."
        "durch got, nû saget waz?"
        "nû kêret wider. daz kumt uns baz."
        "mich wundert waz ir meinet."
        "ez wirt iu wol bescheinet,
7934 und welt ir niht erwinden."
[ zurück ]