einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Gregorius1944 wider sich selben si des jach,daz daz sîdîn gewant daz si mit ir selber hant zuo ir kinde hete geleit unde disses gastes kleit1949 gelîche wæren begarwe der güete und der varwe: ez wære benamen daz selbe gewant, oder daz si von einer hant geworht wæren beide.1954 daz ermande si ir leide. nu behagete im diu vrouwe wol als einem manne ein wîp sol an der nihtes gebrast: ouch behagete ir der gast1959 baz danne ie man getæte. daz macheten sîne ræte der ouch vroun Êven verriet, dô si von gotes gebote schiet. Sus bevalh in diu guote1964 in des truhsæzen huote |