Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

3923 Dô truoc in diu geschiht
        (wande ern versach sichs niht)
        vil rehte an sîner vrouwen lant,
        dâ er den selben brunnen vant,
        von dem im was geschehen,
3928 als ich iu ê hân verjehen,
        grôz heil und michel ungemach.
        als er die linden drobe sach,
        und dô im dâ zuo vor erschein
        diu kapelle und der stein,
3933 dô wart sîn herze des ermant
        wie er sîn êre und sîn lant
        hete verlorn und sîn wîp.
        des wart sô riuwec sîn lîp,
        von jâmer wart im alsô wê,
3938 daz er vil nâch als ê
        von sînem sinne was komen,
        unde im wart dâ benomen
        des herzen kraft alsô gar
        daz er zer erde tôtvar
3943 von dem orse nider seic.
[ zurück ]