einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Heinrich1243 >dû hâst einen tumben gedanc, daz dû sunder sînen danc gerst ze lebenne einen tac wider den nieman niht enmac. du enweist ouch rehte waz dû tuost, 1248 sît dû benamen ersterben muost, daz dû diz lasterlîche leben daz dir got hât gegeben niht vil willeclîchen treist, und ouch dar zuo enweist 1253 ob dich des kindes tôt ernert. swaz dir got hât beschert, daz lâ allez geschehen. ich enwil des kindes tôt niht sehen.< Des bewac er sich zehant 1258 und begunde bôzen an die want; er hiez sich lâzen dar in. der meister sprach: >ich enbin nû niht müezic dar zuo daz ich iu iht ûf tuo.< 1263 >nein, meister, gesprechet mich.< |