einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Heinrich549 wan lâstû uns slâfen?< sus begunden si si strâfen: waz ir diu klage töhte, die nieman doch enmöhte erwenden noch gebüezen? 554 sus wânden si die süezen gesweigen anderstunt. dô was ir wille in unkunt. sus antwurte in diu maget: >als uns mîn herre hât gesaget, 559 sô mac man in vil wol ernern. zewâre, ir enwelt mirz danne wern, so bin ich zer arzenîe guot. ich bin ein maget und hân den muot, ê ich in sehe verderben, 564 ich wil ê vür in sterben.< Von dirre rede wurden dô trûric und unvrô beide muoter unde vater. sîne tohter die bater 569 daz si die rede lieze |