einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec2046 den kranech an dem gevildeund die gans wilde. ouch vuorten ir knappen des tages von den trappen ir satel vol behangen, 2051 wan dâ was gar gevangen swaz ir wart gestoubet. vil garwe beroubet wart daz gevilde [an vogelen und an wilde:] 2056 swâ der hase erschrecket wart, daz was sîn jungeste vart. dô si nâch der beize riten unde vriuntlîchen striten, under in was ein bescheiden haz: 2061 ir iegelîch wolde daz dâ baz sîn habech gevlogen hæte, als man ouch noch tæte. nû reit der künec Artûs engegen in von sînem hûs 2066 mit sîner massenîe gar |