einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec6928 er enwelle in liegen an,daz in ie dehein man gestæche zuo der erde: ouch wæres der werde wol über worden dâ zestunt, 6933 unde wære er gesunt. sus was entwichen im diu kraft, daz er muoste meisterschaft dulden von des küneges hant. den helm er im abe bant 6938 und wolde in vol hân erslagen. daz enmohte diu vrouwe niht vertragen. dâ si dort stuont verborgen in grôzen sorgen, si entwelte deheine wîle, 6943 si spranc ûz dem zîle und begunde sich vellen über ir gesellen. si sprach: "nein, ritter guot, gewünne dû ie ritters muot, 6948 niht erslach mir mînen man! |