einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein1027 zehouwen schiere alsô gardaz si ir bêde wurden bar. Ich machte des strîtes harte vil mit worten, wan daz ich enwil, als ich iu bescheide.1032 sî wâren dâ beide, unde ouch nieman bî in mê der mir der rede gestê. spræche ich, sît ez nieman sach, wie dirre sluoc, wie jener stach:1037 ir einer wart dâ erslagen: dern mohte niht dâ von gesagen: der aber den sige dâ gewan, der was ein sô hövesch man, er hete ungerne geseit1042 sô vil von sîner manheit dâ von ich wol gemâzen mege die mâze ir stiche und ir slege. wan ein dinc ich iu wol sage, daz ir deweder was ein zage,1047 wan da ergienc wehselslege gnuoc, |