einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein1296 daz bette enwart des niht erlânsîne ersuochtenz under im gar. bî sîner genist nim ich war, unz der man niht veige enist, sô nert in vil cleiner list.1301 Dô er in disen sorgen saz, nû widervuor im allez daz daz im sîn vriunt diu guote maget vordes hete gesaget. er sach zuo im gebâret tragen1306 den wirt den er dâ hete erslagen, und nâch der bâre gienc ein wîp, daz er nie wîbes lîp alsô schœnen gesach. von jâmer sî vürder brach1311 ir hâr und diu cleider. ezn dorfte nie wîbe leider ze dirre werlte geschehen: wand sî muose tôten sehen einen den liebesten man1316 den wîp ze liebe ie gewan. |