einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein1347 gerner hæte vertragen.sîn heil begunder gote clagen, daz ir ie dehein ungemach von sînen schulden geschach. sô nâhen gienc im ir nôt,1352 in dûhte des daz sîn tôt unclägelîcher wære dan ob sî ein vinger swære. Nû ist uns ein dinc geseit vil dicke vür die wârheit,1357 swer den andern habe erslagen, und wurder vür in getragen, swie langer dâ vor wære wunt, er begunde bluoten anderstunt. nû seht, alsô begunden1362 im bluoten sîne wunden, dô man in in daz palas truoc: wan er was bî im der in sluoc. dô daz diu vrouwe rehte ersach, sî ruofte sêre unde sprach1367 'er ist zewâre hinne |