Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

1945 wan ez dunket mich unmügelich.
        sich, got der gebezzer dich,
        ob dû mir nû liegest
        und mich gerne triegest.'
        'vrouwe, hân ich iu gelogen,
1950 sô bin ich selbe betrogen.
        nû bin ich ie mit iu gewesen
        und muoz ouch noch mit iu genesen:
        verriet ich iuch, waz wurde mîn?
        nû müezt ir mîn rihtære sîn:
1955 nu erteilet mir (ir sît ein wîp),
        swâ zwêne vehtent umbe den lîp,
        weder tiurre sî der dâ gesige
        od der dâ sigelôs gelige.'
        'der dâ gesiget, sô wæn ich.'
1960 'vrouwe, ez ist niht wænlich:
        wan ez ist gar diu wârheit.
        als ich iu nû hân geseit,
        rehte alsô hât ein man
        gesiget mînem herren an.
1965 daz wil ich wol mit iu gehaben:
[ zurück ]