einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Heinrich140 mit geduldigem muote, do ez im ze lîdenne geschach, durch der sêle gemach den siechtuom und die swacheit die er von der werlte leit; 145 des lobete er got und vreute sich. do entete der arme Heinrich leider niender alsô; er was trûric und unvrô. sîn swebendez herze daz verswanc, 150 sîn swimmendiu vreude ertranc, sîn hôchvart muose vallen, sîn honec wart ze gallen. ein swinde vinster donerslac zebrach im sînen mitten tac, 155 ein trüebez wolken unde dic bedahte im sîner sunnen blic. er sente sich vil sêre daz er sô manige êre hinder im müese lâzen. 160 vervluochet und verwâzen |