Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

6537 vil sêre zürnen began.
        ir strâfen was im ungemach.
        vil unsenfteclîche er sprach:
        "ir herren, ir sît wunderlich,
        daz ir dar umbe strâfet mich
6542 swaz ich mînem wîbe tuo.
        dâ bestât doch niemen zuo
        ze redenne übel noch guot,
        swaz ein man sînem wîbe tuot.
        si ist mîn und bin ich ir:
6547 wie welt ir daz erwern mir,
        ich entuo ir swaz mir gevalle?"
        dâ mite gesweicte er si alle.
        dô diu vrouwe wart geslagen,
        ir gebærde suln wir iuch niht verdagen:
6552 von dem slage wart si vrô
        und ouch des tages nie mê wan dô.
        wâ si die vreude möhte nemen?
        daz muget ir gerne vernemen,
        wan slege tuont selten iemen vrô.
6557 ir vreude schuof sich alsô:
[ zurück ]