Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

7924 ich wil daz hûs erkunnen:
        des sult ir mir wol gunnen."
        "mirst leit daz ich ius gunnen sol.
        wê dan sô irz bevindet wol!"
        "waz meinet ir, künec Guivreiz?"
7929 "ich enmeine niht wan daz ich weiz."
        "durch got, nû saget waz?"
        "nû kêret wider. daz kumt uns baz."
        "mich wundert waz ir meinet."
        "ez wirt iu wol bescheinet,
7934 und welt ir niht erwinden."
        "ich muoz ez benamen ervinden.
        ez enist niht wirsers dan der tôt."
        "sô kumt ir lîhte in die nôt
        die iuwer vriunt niht mugen verklagen."
7939 "muget ir mirz durch got nû sagen?
        mich wundert waz ez müge sîn."
        "dâ erwindet durch die liebe mîn.
        ich dienez immer als ich sol."
        "daz enzæme mir niht wol:
7944 wan sô möhtet ir haben wân
[ zurück ]