einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Gregorius3720 dâ wahset nû unbederbe gras,nezzelen und unkrût.' Do siufte der gotes trût: got er im sô helfen bat, er enkæme niemer von der stat,3725 ob er ir niht vunde. nu giengen si zestunde mit gabelen und mit rechen und begunden nâher brechen daz unkrût und den mist.3730 nu erzeigte der dâ gnædic ist an dem guoten Grêgôriô ein vil grôzez zeichen dô, wande er sîne tavel vant als niuwe als si von sîner hant3735 vüere der si dâ worhte. vreude unde vorhte heten die daz sâhen, wande si des jâhen, ditze wære ein sælic man.3740 dâ enlugen si niht an. |