einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Heinrich903 Des vreute sich diu reine maget. dô ez vil kûme was getaget, dô gienc si dâ ir herre slief. sîn trûtgemahel ime rief, si sprach: >herre, slâfet ir?< 908 >nein ich, gemahel, sage mir, wie bistû hiute alsô vruo?< >herre, dâ twinget mich dar zuo der jâmer iuwer siecheit.< er sprach: >gemahel, daz ist dir leit, 913 daz erzeigestû an mir wol, als ez dir got vergelten sol. nu enmac es dehein rât sîn.< >entriuwen, lieber herre mîn, iuwer wirt vil guot rât. 918 sît ez alsus umbe iuch stât daz man iu gehelfen mac, ichn gesûme iuch niemer tac. herre, ir hât uns doch gesaget, ob ir hetet eine maget 923 diu gerne den tôt durch iuch lite, |