Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

7754 irn woldet sî niht wizzen lân
        wie ir wærent genant.
        dô neic ich umbe in älliu lant,
        ichn weste war ode weme,
        wan ich meintez hin ze deme
7759 der durch mich bestuont die nôt:
        unde esn letze mich der tôt,
        ich gedienez iemer als ich sol.
        ich erkenne iuch bî dem lewen wol.'
        sus lief ter lewe zuo im her:
7764 sînem herren erzeicte er
        vreude unde vriuntschaft
        mit aller der kraft
        als ein stumbez tier dem man
        vriuntschaft erzeigen kan.
7769 Zehant wart in beiden
        ein ruowe bescheiden,
        dâ in gnâde und gemach
        zuo ir wunden geschach.
        arzte gewan her Gâwein,
7774 im selben unde in zwein,
[ zurück ]