einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec8534 gote lop, nû hân ichz vundendâ ich wider tûsent phunden wâge einen phenninc. diz sint genædeclîchiu dinc, daz ich hie vinde ein sælic spil. 8539 die rede ich iu baz bescheiden wil. ich hân von iu ê vernomen daz dirre herre ist vollekomen an degenlîcher manheit. des ist sîn êre vil breit 8544 und ze ganzem lobe erkant über elliu disiu lant, wan er hât wunder getân. dâ wider ich leider niene hân begangen selher dinge, 8549 mîn êre enwege ringe. dâ von ein ritter wirt erkant, des hât mir noch mîn hant vil lützel erworben: an lobe ich bin verdorben 8554 unz an disen tac. |