einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec1382 von lobe michel êre:doch vreute si sich mêre von schulden ir lieben man den si des tages dô gewan. ein man den vreuden nie verdrôz, 1387 des kurzwîle was vil grôz. zen herbergen was grôzer schal. dâ muoste er geste âne zal, ritter unde vrouwen, den selben âbent schouwen: 1392 wande si ladeten gar alle die eht kâmen dar zuo den hôchzîten. der vater vrouwen Ênîten möhtez niht erziuget hân: 1397 ez muoste an dem herzogen stân. von sînem hûse man dar truoc spîse ebene genuoc. als im erschein der ander tac, Êrec fil de roi Lac 1402 der enwolde dâ niht langer tweln. |