Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

2278 nâch sînem willen volle hant.
        als ez im nû was gewant,
        dar nâch sazte er sînen muot.
        sîn harnasch enwas niht sô guot
        noch selh sîn geselleschaft,
2283 als ob er hete des guotes kraft.
        nâch sîner maht vienc erz an.
        nû pruofte der junge man
        drîe schilte gelîch
        und driu gereite alsamelîch
2288 mit einem wâfen garwe:
        doch schiet si diu varwe.
        der ein im hurtlîch genuoc was,
        ûze ein liehtez spiegelglas,
        vil verre glaste der schîn,
2293 dar ûf ein mouwe guldîn,
        zer mâze sô si solde,
        innen gar von golde.
        der ander von sinopel rôt:
        dar ûf slahen er gebôt
2298 ein mouwen von silber wîz:
[ zurück ]