einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec3582 dô genâdete er im verre.er sprach: "lieber herre, nû gewert mich des ich iuch bite: dâ handelt ir mich wol mite. diu vrouwe lîdet von arbeit 3587 mit disen rossen michel leit, daz ich si vüeren müeze: der dienest ist mir süeze." Êrec sprach: "knabe, daz sult ir lân. jâ enist ez doch niht getân 3592 garwe âne sache. si muoz mit ungemache leben ze disen zîten." er sprach: "sô wil ich rîten." "got vergelte iu genâde unde guot: 3597 iuwer êre sî von im behuot, daz ir mit sælden müezet leben. knabe, nû rîtet gote ergeben." sîner gâbe was er vrô: wider umbe rîten begunde er dô: 3602 von vreuden was im vil gâch. |