Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

4379 daz im vehtens nôt geschach,
        sîn ros er wider kêrte,
        als in sîn ellen lêrte.
        zesamene riten zwêne man
        der ietweder nie gewan
4384 zageheit dehein teil.
        ez muoste sterke unde heil
        under in beiden
        an dem sige scheiden.
        diu sper si ûf stâchen
4389 daz si gar zebrâchen.
        diu tjost wart sô krefteclich
        daz diu ros hinder sich
        an die hehsen gesâzen.
        dô muosten si lâzen
4394 die zoume von den handen
        und anders inz enblanden.
        si erbeizten beide gelîche
        vil müezeclîche
        und ervuorten diu swert.
4399 ir ietweder wart gewert
[ zurück ]