Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

7014 sô grôzer unmâze
        daz ich vremder strâze
        eine wolde walten
        unde vor behalten
        sô manegem guoten knehte,
7019 dô tâtet ir mir rehte.
        mîn buoze wart ze kleine,
        dô ich alters eine
        iuwer aller êre wolde hân:
        ich solde baz ze buoze stân."
7024 dô man der rede gar gesweic,
        Guivreiz vrouwen Ênîten neic
        und hiez si willekomen sîn.
        des genâdete im diu künegîn.
        nû si wurden wol gewar
7029 daz im niht tœtlîches war,
        des wâren si gemeine vrô.
        ûf sâzen si dô
        und riten doch unverre.
        Guivreiz der herre
7034 vuorte si ûz dem wege
[ zurück ]