einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Gregorius3342 er möhte vil deste bazkomen von sînem meine, ob er si zuo dem steine des morgens wolde wîsen. nû sâhen im die grîsen3347 diu ougen über wallen, die heizen zäher vallen über sînen grâwen bart. er sprach: 'waz touc uns diu vart? vil wol wîse ich iuch dar:3352 die vart verliese wir gar. ich weiz wol, erst nû lange tôt. ich lie in in maniger nôt ûf dem wilden steine: hæte er der niuwan eine,3357 ez enmöhte dehein lîp erwern. ir endürfet dingen noch gern daz wir in lebenden vinden: enwære er von kalten winden und von vroste niht verderbet,3362 der hunger hete in ersterbet.' |