einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Heinrich1191 abe ziehen diu kleit. des was si vrô und gemeit, si zarte diu kleider in der nât. schiere stuont si âne wât und wart nacket unde blôz; 1196 si enschamte sich niht eins hâres grôz. Dô si der meister ane sach, in sînem herzen er des jach daz schœner krêâtiure al der werlte wære tiure. 1201 sô gar erbarmete si in, daz im daz herze und der sin vil nâch was dar an verzaget. nû ersach diu guote maget einen hôhen tisch dâ stân; 1206 dâ hiez si der meister ûf gân. dar ûf er si vil vaste bant und begunde nemen in die hant ein scharphez mezzer daz dâ lac, des er ze selhen dingen phlac. 1211 ez was lanc unde breit, |