einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Heinrich290 er hete die triuwe und ouch den sin daz er vil willeclîchen leit den kumber und die arbeit diu im ze lîdenne geschach. er schuof ime rîch gemach. 295 Got hete dem meier gegeben nâch sîner ahte ein reinez leben. er hete ein wol erbeiten lîp und ein wol werbendez wîp, dar zuo hete er schœniu kint, 300 diu gar des mannes vreude sint, unde hete, sô man saget, under den eine maget, ein kint von ahte jâren. daz kunde gebâren 305 sô rehte güetlîchen. diu wolde nie entwîchen von ir herren einen vuoz. umbe sîn hulde und sînen gruoz diente si im alle wege 310 mit ir güetlîchen phlege. |