Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Heinrich

458 daz mirz got schiere sende!<
       Daz er dem vater hete gesaget,
       daz erhôrte diu reine maget;
       wan ez hete diu vil süeze
       ir lieben herren vüeze
463 stânde in ir schôzen.
       man möhte wol genôzen
       ir kintlich gemüete
       hin zuo der engel güete.
       sîner rede nam si war
468 unde marhte si gar,
       si enkam von ir herzen nie
       unz si des nahtes slâfen gie
       zir vater vüezen, da si lac,
       und ouch ir muoter, sô si phlac.
473 dô si beide entsliefen,
       manigen sûft tiefen
       holte si von herzen.
       umbe ir herren smerzen
       wart ir riuwe alsô grôz
478 daz ir ougen regen begôz
[ zurück ]