einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein1324 von ir jâmers grimmesô viel sî dicke in unmaht: der liehte tac wart ir ein naht. sô sî wider ûf gesach und weder gehôrte noch ensprach,1329 sone sparten ir die hende daz hâr noch daz gebende. swâ ir der lîp blôzer schein, da ersach sî der her Îwein: dâ was ir hâr und ir lîch1334 sô gar dem wunsche gelîch daz im ir minne verkêrten die sinne, daz er sîn selbes gar vergaz und daz vil kûme versaz1339 sô sî sich roufte unde sluoc. vil ungerne er ir daz vertruoc: sô wolder dar gâhen und ir die hende vâhen, daz sî sich niht enslüege mê.1344 im tete der kumber alsô wê |