Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

2156 und enwirtz dar nâch niht guot,
        sô hât er in zwei wîs verlorn:
        er duldet schaden und vriunde zorn.'
        sî sprach 'trûtgeselle, ouwê,
        ich vürht ez mir niht wol ergê:
2161 ezn ist lîhte niht ir rât.'
        'vrouwe mîn, die rede lât.
        irn habet niender selhen helt
        ern lâze iuch nemen swen ir welt,
        ê er iu den brunnen bewar.
2166 diu rede ist ûf ir wege gar.
        ouwî sî sint des vil vrô
        daz sî der lantwer alsô
        über werden müezen:
        sî bietent sich ziuwern vüezen,
2171 swenne si iuwer rede vernement,
        und bitent iuch daz ir in nement.'
        sî sprach 'nû sende den garzûn hin:
        die wîle wil ouch ich nâch in
        mînen boten senden,
2176 daz wir die rede verenden.'
[ zurück ]