Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

2927 und beliber iht vürbaz,
        ez wære iemer ir haz.
        ouch swuor er, des in diu liebe twanc,
        in dûht daz eine jâr ze lanc,
        unde ern sûmde sich niht mê,
2932 er kæme wider, möhter, ê,
        esn latzte in êhaftiu nôt,
        siechtuom vancnüsse ode der tôt.
         Sî sprach 'iu ist daz wol erkant
        daz unser êre und unser lant
2937 vil gar ûf der wâge lît,
        ir enkumt uns wider enzît,
        daz ez uns wol geschaden mac.
        hiute ist der ahte tac
        nâch den sunewenden:
2942 dâ sol daz jârzil enden.
        sô kumt benamen ode ê,
        ode ichn warte iuwer niht mê.
        unde lât diz vingerlîn
        einen geziuc der rede sîn.
2947 ichn wart nie manne sô holt
[ zurück ]