Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

3493 daz sî in sach und er sî niht.
        sî gedâhte 'ob daz geschiht
        daz er kumt ze sinnen,
        und wirt er danne innen
        daz ich in nacket hân gesehen,
3498 sô ist mir übele geschehen:
        wan des schamt er sich sô sêre
        daz er mich nimmer mêre
        willeclîchen an gesiht.'
        alsus enoucte sî sich niht
3503 unz in diu salbe gar ergienc
        und er ze sinnen gevienc.
         Dô er sich ûf gerihte
        und sich selben ane blihte
        und sich sô griulîchen sach,
3508 wider sich selben er dô sprach
        'bistûz Îwein, ode wer?
        hân ich geslâfen unze her?
        wâfen, herre, wâfen!
        sold ich dan iemer slâfen!
3513 wand mir hât mîn troum gegeben
[ zurück ]