Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

4320 und wizzet daz ich immer wil
        den willen vür diu werc hân:
        ir sult der rede sîn erlân.
        iuwer leben ist nützer danne daz mîn.
        und möht ez ein wâge sîn,
4325 sô getorste ichs iuch biten:
        diz ist gar wider den siten
        daz einer kempfe drî man.
        die liute habent sich joch dar an
        daz zwêne sîn eines her:
4330 sô wære diz gar âne wer.
        verlüret ir durch mich den lîp,
        sone wart nie dehein armez wîp
        als unsælec als ich,
        und dannoch slüegen sî ouch mich.
4335 so ist bezzer mîn verderben
        danne ob wir beidiu sterben.'
         Er sprach 'diu rede sol bezzer wesen:
        wan wir suln beidiu wol genesen.
        deiswâr ich wil iuch trœsten wol,
4340 wan ichz ouch bewaren sol.
[ zurück ]