Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

508 die hânt mirs gemachet sô
      daz sî bibende vor mir stânt
      und durch mich tuont unde lânt.
      swer ouch anders under in
      solde sîn als ich bin,
513 der wære schiere verlorn.'
      'herre, vürhtents dînen zorn,
      so gebiut in vride her ze mir.'
      er sprach 'niene vürhte dir:
      sine tuont dir bî mir dehein leit.
518 nû hân ich dir vil gar geseit
      swes dû geruochtest vrâgen:
      nune sol dich niht betrâgen,
      dune sagest mir waz dû suochest.
      ob du iht von mir geruochest,
523 daz ist allez getân.'
      ich sprach 'ich wil dich wizzen lân,
      ich suoche âventiure.'
      dô sprach der ungehiure
      'âventiure? waz ist daz?'
528 'daz wil ich dir bescheiden baz.
[ zurück ]