Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

6918 und begunden den künec biten
        daz er die altern bæte
        daz sîz durch got tæte
        und der jungern teilte mite.
        des verzêch sî im mit selhem site
6923 daz er die bete muose lân.
        sî wolde daz gewis hân,
        ir kempfe wurde sigehaft,
        wande sî wol sîne kraft
        erkande und sich des trôste
6928 daz er sî gar erlôste.
         Dô der künec Artûs ersach
        daz ez niemen an die suone sprach,
        dô hiez er rûmen den rinc.
        nû was ez doch ein starkez dinc
6933 ze sehenne ein vehten
        von zwein sô guoten knehten:
        wanz entuot dem biderben man niht wol,
        der des andern tôt sehen sol,
        daz doch dem einem wæge was,
6938 ob joch der ander genas.
[ zurück ]