Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

4503 als ich iu bescheide.
        nû was si ir mannes siges vrô:
        sîn wunden weinde si aber dô.
        nû ervurpte si diu guote
        von sweize und von bluote
4508 mit ir stûchen orte.
        nâch vriuntlîchem worte
        sâzen an der heide
        dise herren beide
        und kuolten sich durch gemach.
4513 der künec zuo dem gaste sprach:
        "vernemetz, herre, vür ein spil
        daz ich nû reden wil
        und lât ez iu niht wesen leit.
        mich betwanc iuwer manheit
4518 daz ich wolde werden iuwer man:
        dâ ist iu wol gelungen an.
        nû ist diu vrümekeit an iu schîn
        daz ichz noch gerner wolde sîn,
        ob ich wizzen mehte
4523 ob irz an dem geslehte
[ zurück ]