einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec9859 nû schiet der ellendemit disen vrouwen von dan. da geschach im höveschlîchen an daz er si von danne nam dâ in wesen niht gezam. 9864 nû saz der wirt von Brandigân ûf ein schœne kastelân unde die sîne ûf ir ros von rabîne, sô si si heten beste, 9869 und kondewierten die geste von dem hûs genuoc verre. sô bat si Êrec der herre mit heile dâ belîben. dan reit er mit den wîben 9874 und brâhte si ze hûse dem künege Artûse. dar was er michel willekomen, und wart des guot war genomen daz si sô gelîche wâren gekleit 9879 und ze pherden bereit, |