Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

6466 rîcheit unde kiusche tugent,
        güete und wîse rede hât.
        diz was an ir, und gar der rât
        des der wunsch an wîbe gert.
        ir lesen was eht dâ vil wert.
6471 Dô sî den gast ersâhen,
        dô begundens gâhen,
        diu vrouwe unde der herre,
        engegen im gnuoc verre
        unde enpfiengen in alsô wol
6476 als ein wirt den gast sol,
        der im willekomen ist.
        dar nâch het in in kurzer vrist
        entwâfent diu junge.
        sô guoter handelunge
6481 was gnuoc einem ellenden man.
        dar nâch gap sî im an
        wîze lînwât reine,
        geridiert harte cleine,
        und ein samîtes mantellîn:
6486 dar under was härmîn,
[ zurück ]