einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein6709 von manne ode von tiere.'do bewâgen sî sich schiere, sin gevæhten niemer wider in, ern tæte sînen lewen hin. dô muoser sînen lewen lân:6714 der wart dâ in ein gadem getân, dâ er wol durch die want sach den strît der in dem hove geschach. Die zwêne ungevüegen man die huoben in den strît an.6719 got müeze des gastes pflegen: wan der strît was ungewegen: ern bestuont nie sô grôze nôt. den schilt den er vür bôt, der wart schiere zeslagen.6724 ern mohte niht an getragen daz im wol geschirmen möhte und vür die kolben töhte. man sach den helm rîsen und ander sîn îsen6729 als ez von strô wære geworht. |