Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

2170 mit sîner ellenthaften hant.
        vordes was sîn prîs sô grôz
        daz niemen vrumen des verdrôz
        er enspræche sîn êre:
        nû hât er ir aber mêre.
2175 ouch hât diu vrouwe und ir lant
        von sîner gehülfigen hant
        alle ir nôt überkomen.
        swaz si schaden hete genomen,
        der wart ir volleclîche erstat,
2180 als si gebôt unde bat,
        und emphie des rehte sicherheit
        daz er ir dehein leit
        vürdermâl getæte.
        daz liez er harte stæte.
2185 Dô diz nœtige lant
        sînen kumber überwant
        und mit vride stuont als ê,
        nû tet den lantherren wê
        diu tägelîche vorhte
2190 die in der zwîvel worhte
[ zurück ]