einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein3103 sîns wîbes bote, vrou Lûnete,von der râte und von der bete daz von êrste was komen daz sî in hâte genomen. sî gâhte über jenez velt3108 unde erbeizt vür diu gezelt. als schiere sî den künec sach, dô kam sî vür in unde sprach 'Künec Artûs, mich hât gesant mîn vrouwe her in iuwer lant:3113 unde daz gebôt sî mir daz ich iuch gruozte von ir, und iuwer gesellen über al; wan einen: der ist ûz der zal: der sol iu sîn unmære3118 als ein verrâtære. daz ist hie der her Îwein, der niender in den siten schein, dô ich in von êrste sach, daz untriuwe ode ungemach3123 ieman von im geschæhe |