Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

5588 daz er nam daz man im bôt.
        man mac den gast lîhte vil
        geladen der belîben wil.
        im wart daz tor ûf getân:
        dô sach er engegen im gân
5593 rîter unde knehte,
        die in nâch sînem rehte
        enpfiengen unde gruozten
        und im vil gerne buozten
        kumber unde sîne nôt,
5598 als in ir herre gebôt,
        der selbe engegen ime gienc
        und in vrœlîch enpfienc
        und schuof im selhen gemach
        daz er wol an den werken sach
5603 daz sîn wille und sîn muot
        was reine unde guot.
        im wart vil harte drâte
        ein heimlich kemenâte
        ze sîner sunder gereit,
5608 sîn lewe dar in zuo im geleit.
[ zurück ]